Բարսելոնայի գլխավոր մարզիչ Խոսեպ Գվարդիոլան Չեմպիոնների լիգայի խմբային փուլի վերջին 'Ռուբինի հետ խաղից առաջ տրված մամուլի ասուլիսում շնորհավորել է Ռուսաստանին 2018թ-ի աշխարհի առաջնության  կազմակերպման իրավունքը ստանալու կապակցությամբ: Նա նշել է, որ ռուսական ֆուտբոլը վերջին տարիներին  վերելք է ապրել: Խոսելով Ռուբինի հետ խաղի մասին' Գվարդիոլան ասել է, որ այս հաղթանակն իրենց համար այդքան էլ մեծ նշանակություն չունի:

-Դուք ոչ մի անգամ չեք հաղթել Ռուբինին: Ինչո՞ւ:

-Մեր մրցակիցները հրաշալի են պաշտպանվում, նրանք լավ ֆուտբոլիստներ ունեն: Նախորդ տարի խմբային փուլը մենք ավարտել ենք առաջին հորիզոնականում, այս անգամ նույնպես անպայման կփորձենք հաղթել, թեև խոշոր հաշվով այդ հաղթանակը մեզ համար այլևս ոչինչ չի նշանակում:

-Ի՞նչ եք սպասում Դուք վաղվա խաղից:

-Հաշվի առնելով նախորդ արդյունքները, դա մարտահրավեր է: Բայց մենք չպետք է մոռանանք, որ աշխատանքի  մեծ մասն արված է, մենք արդեն փլեյ-օֆֆում ենք: Այդ նրանց է հաղթանակ պետք, ոչ թե մեզ: Ոչ, մեր մարտավարության մեջ ոչինչ չի փոխվելու, մենք խաղալու ենք արագ և հարձակվողական ֆուտբոլ, սակայն մեր առաքելությունը կատարված է:

-Ստացվում է, որ Դուք բոլորովին չե՞ք տխրի, եթե պարտվեք:

-Իհարկե կտխրեմ, բայց ոչ այնքան շատ, եթե այդ խաղն ինչ-որ բան որոշեր մրցաշարային

դասավորության առումով:

-Այսինքն, Ռուբինը Բարսայի համար նյարդայնացնող մրցակի՞ց չէ:

-Ոչ:

-Դուք հանգիստ կտաք համարյա բոլոր առաջատարներին: Ի՞նչ անել Ինյեստայի և Մեսսի հետ:

-Մենք նրանց էլ էինք ցանկանում հանգիստ տալ, սակայն պահեստայինններին օգնություն է անհրաժեշտ:

-Ինչպե՞ս եք վերաբերվում այն հանգամանքին, որ 2018թ-ի աշխարհի առաջնությունը կայանալու է Ռուսաստանում:

-Կարող եմ շնորհավորել երկրին և և նրա բնակիչներին: Ռուսական ֆուտբոլը թափ է հավաքում: Ռուսական ակումբները կարող են գնել լավագույն խաղացողներին: ԲԿՄԱ, Զենիթ, Ռուբին, դրանք լավ թիմեր են, որոնք կարող են հաղթել կարևոր մրցաշարերում: Վաղ թե ուշ նրանք Չեմպիոնների լիգայում հայտ կներկայացնեն:

 -Ոսկե գնդակը գնում է Բարսելոնա, շնորհավորում ենք:

-Շնորհակալություն, մեզ համար դա մեծ պատիվ է: Բայց ես ցանկանում եմ այն կիսել Դել Բոսկեի հետ: Առանց ՀԱՀ-ում հավաքականի խաղի Չավին և Ինյեստան չէին ընդգրկվի հավակնորդների ցուցակում: Գիտեմ, որ նրանք հաջողությունը կկիսեն ակումբի, ընկերների, երկրպագուների հետ: