FCBjunior.cat ինտերնետային կայքը «Բարսելոնի» պատանի երկրպագուներին բացառիկ հնարավորություն էր ընձեռել հարցեր տալու ակումբի պաշտպան Ժերարդ Պիկեին:Յուրաքանչյուր ցանկացող ուղարկել է իր հարցը, որ «Բարսելոնի» խաղացողն անձամբ պատասխանի դրան:
-Ո՞րն է ամենաարժեքավորը, որ դու սովորել ես Խոսեպ Գվարդիոլայից: -Գվարդիոլայի ղեկավարությամբ անցկացնելով երեք մրցաշրջան`ես շատ բան իմացա:Եվ ես երջանիկ եմ, որ իմ բախտը բերել է հանդիպելու մեր ժամանակների երկու մեծագույն մարզիչներին`Գվարդիոլային և Ալեքս Ֆերգյուսոնին: -Ինչո՞ւ ես միշտ խաղում երկարաթև մարզաշապիկով: -Որովհետև այդպես ինձ շատ է դուր գալիս և դա իմ սովորությունն է: -Ի՞նչ ես զգում, երբ «Նոու Կամպը» վանկարկում է քո անունը: -Դա առաձնահատուկ զգացում է, ասես երազն իրականություն է դառնում:Որպես երկրպագու շատ խաղեր եմ դիտել «Նոու Կամպ» մարզադաշտի տրիբունայից, և այն, որ երկրպագուները վանկարկում են իմ անունը, ինձ համար շատ բան է նշանակում: Ինչպե՞ս ես անցկացնում ազատ ժամանակդ:Թիմում ո՞ւմ հետ ես հատկապես ընկերություն անում: -Ինձ դուր է գալիս ընկերներիս հետ կինոթատրոն գնալ. «Պալաու Բլաուգրանայում» այցելել Regal Barca-ի խաղերին:Ես հիանալի հարաբերությունների մեջ եմ իմ բոլոր թիմակիցների հետ, ինձ դուր է գալիս նրանց հետ զրուցել և կատակել: -Եթե դու հնարավորություն ունենայիր կրկնելու քո գոլերից մեկը, ապա ո՞րը կընտրեիր: Կտոնեի՞ր այնպես, ինչպես այն ժամանակ ես նշել: - Ես այնքան էլ շատ գոլեր չեմ խփել, որ ընտրեմ դրանցից մեկը, բայց, թերևս, կանգ կառնեի այն մեկի վրա, որը խփել եմ «Սանտյագո Բեռնաբեուում» («Ռեալ»-«Բարսելոն»`2-6):Այդ գոլը շատ բան է նշանակում ինձ համար, այդ պատճառով հենց այդպես էլ կտոնեի: -Ո՞րն է լավ պաշտպանի գաղտնիքը: -Չեմ կարծում, թե գաղտնիքը միայն մեկն է:Պետք է շատ աշխատել և խաղի ժամանակ ամբողջովին կենտրոնացած լինել:Եվ,իհարկե, մշտապես սովորել նրանցից, ովքեր հանդես են գալիս խաղային նույն դիրքում և մեծ փորձ ունեն: -Պատկերացրու, որ քեզ մեկ օրով թույլ են տվել խաղալ ցանկացած այլ դիրքում:Ո՞րը կընտրեիր և ինչո՞ւ: -Ինձ միշտ էլ գրավել է հարձակվողի դիրքը:Հաճախ խաղերի ընթացքում միանում եմ գրոհներին և նույնիսկ գոլեր եմ խփում:Իսկ դպրոցում ընդհանրապես հաճախ էի հարձակման գծում խաղում և նույնիսկ օգուտ էի բերում: -Ի՞նչ զգացիր, երբ «Նոու Կամպ» դուրս եկար կապտանռնագույն մարզաշապիկով: -Ես աննկարագրելի զգացումներ ունեի, որովհետև նորից ինձ տանը զգացի: -Եթե ֆուտբոլիստ չդառնայիր, ապա ի՞նչ աշխատանք կընտրեիր: -Նույնիսկ չգիտեմ:Փոքր հասակից ձգտում էի միայն ֆուտբոլիստ դառնալ և ոչ մի բանի մասին չէի ուզում լսել: -Ո՞րն է քո սիրած ֆիլմը: -Ինձ դուր է գալիս «Գլադիատորը» որովհետև այդ ֆիլմն ինձ շարժառիթ է տալիս: -Ի՞նչն է քեզ ստիպել ինքնակենսագրական գիրք գրել: -Ես շատ բան եմ տեսել և ուզում էի այդ մասին պատմել ամբողջ աշխարհին: -Ես 10 տարեկան եմ:Ինձ շատ է դուր գալիս խաղալ պաշտպանությունում:Ի՞նչ խոչհուրդ կտայիր ինձ: -Շատ կարևոր է, որ քո մեջ չկորչի խաղալու ցանկությունը, որովհետև դա մարտահրավեր է, որը քեզ կստիպի առաջ գնալ: