«Արսենալի» ավագ Սեսկ Ֆաբրեգասը վերջ է տվել իր՝ «Բարելոնա» տեղափոխվելու հետ կապված բոլոր խոսակցություններին: «Առաջին հերթին ցանկանում եմ ներողություն խնդրել «Արսենալի» երկրպագուներից, որ մինչ այս իմ ապագայի մասին չէի խոսում: Սակայն մինչ այս պահը ես չգիտեի, թե ինչ էի անելու: Չեմ ասի, որ ինձ չէր գրավում «Բարսելոնա» տեղափոխվելու հնարավորությունը և քիչ ֆուտբոլիստներ կհրաժարվեին այնտեղ խաղալուց: Ես պրոֆեսիոնալ եմ և հասկանում եմ, որ «Արսենալը» չէր ցանկանում ինձ վաճառել: Ես կարող եմ հավաստիացնել ակումբի երկրպագուներին, որ բոլոր բանակցություններն ընդհատված են և ես 100 տոկոսով կկենտրոնանամ «Արսենալում» իմ ելույթների վրա»,- հայտարարել է Ֆաբրեգասը: totalfootball.am
