Վիլյա. Անհամբերությամբ սպասում եմ Ռեալի հետ հանդիպմանը
Իսպանական «Բարսելոնայի» հարձակվող Դավիդ Վիլյան չի համբերում, թե երբ պետք է սկսվի Իսպանիայի առաջնությունը, հաղորդում է Sport.es-ը: Բայց ավելի մեծ անհամբերությամբ ֆուտբոլիստը սպասում է «Ռեալի» հետ հանդիպմանը, որը կկայանա նոյեմբերի 28-ին «Նոու Կամպ» մարզադաշտում: Սա շատ կարևոր հանդիպում է «Բարսելոնայի» ֆուտբոլիստի համար: «Յուրաքանչյուր ֆուտբոլիստ, ով նոր է տեղափոխվում «Բարսելոնա», մեծ անհամբերությամբ է սպասում այս հանդիպմանը», - ասել է Վիլյան: Միաժամանակ Վիլյան ցանկություն է հայտնել, որպեսզի Լոնդոնի «Արսենալի» ավագ և ազգային հավաքականի իր խաղընկեր Սեսկ Ֆաբրեգասը ևս տեղափոխվի «Բարսելոնա»: Վիլյայի խոսքերով` դրանից կշահի և «Բարսելոնան», և Իսպանիայի առաջնությունը: armsport.am
