Որակավորման խմբային փուլը դժվարությամբ հաղթահարելուց հետո Դիեգո Մարադոնայի գլխավորած թիմըմեկնում է աշխարհի գավաթի խաղարկության եզրափակիչ փուլ` ունենալով իր կազմում աշխարհի լավագույն ֆուտբոլիստին: Արգենտինացիներին դեպի աշխարհի չեմպիոնի կոչումն է տանելու Լիոնել Մեսսին: <<Ես Արգենտինայի հավաքականը համարում եմ աշխարհի գավաթը հաղթելու գլխավոր հավակնորդներից մեկը: Մեզ ոչ ոք չի կարող ջնջել ֆավորիտների ցուցակից>>,- իր կարծիքն է հայտնել լրագրողներին Մեսսին: Արգենտինայի հավաքականի խաղն ամբողջովին կառուցվելու է Բարսելոնայի աստղի շուրջը: Այդ մասին է վկայում այն, որ Մարադոնան մարզումների ժամանակ սկսել է կիրառել 4-4-2 կառուցվածքը` Մեսսիին տալով ազատ դիրքում խաղացողի դեր: Սպասելիքները մեծ են, որ Բլաուգրանայի հարձակվողը Հարավային Աֆրիկայում կփայլի իր ցուցադրած խաղով: <<Ես կաշխատեմ անել Արգենտինայի համար այն, ինչ անում եմ Բարսելոնայի համար>>,- հայտարարել է Մեսսին: Մեսսիի կողքին Ալբիսելեստեում հանդես են գալու այնպիսի աստղեր, ինչպիսիք են Գոնսալո Իգուաինը, Կառլոս Տեվեսը, Դիեգո Միլիտոն, Մարտին Պալերմոն և Սերխիո Ագուերոն: 1986 թվականին Մարադոնայի հետ միասին Արգենտինայի աշխարհի չեմպիոնի կոչումը դեռևս վերջինն է նրանց համար: 24 տարի անց արգենտինայի ընտրանին կփորձի կրկնել իր հաջողությունը և նվաճել աշխարհի գավաթը: Իրենց ճանապարհը նրանք կսկսեն խմբային փուլում մրցելով Նիգերիայի, հարավային Կորեայի և Հունաստանի հավաքականների դեմ: Խմբում առաջին տեղը գրավելու դեպքում(ինչը ամենից հավանականն է) Լեո Մեսսին ամենայն հավանականությամբ կհանդիպի Բարսելոնայում իր թիմակիցներից մեկին` Թիերի Անրիին(Ֆրանսիա) կամ Ռաֆաել Մարկեսին(Մեքսիկա): Արգենտինացիները տարվա գլխավոր ֆուտբոլային իրադարձությունից առաջ Բուենոս Այրեսում ստուգողական հանդիպում անցկացրի Կանադայի ընտրանու հետ` հաղթելով մրցակցին 5-0 հաշվով: Այդ հանդիպմանը չկարողացավ մասնակցել Մեսսին` փոքր վնասվածքի պատճառով: Կարելի է ենթադրել, որ Արգենտինայի հավաքականը լրջորեն է տրամադրված գալիք առաջնությանը` դատելով Դիեգո Մարադոնայի խոսքերից.<<Եթե մենք հաղթենք աշխարհի գավաթը, ես մերկ կվազեմ մայրաքաղաքի կենտրոնով>>:
Որակավորման խմբային փուլը դժվարությամբ հաղթահարելուց հետո Դիեգո Մարադոնայի գլխավորած թիմը