El Mundo Deportivo-ն տեղեկացնում է, որ կատալոնական «Բարսելոնան» ակտիվորեն փնտրում է լիարժեք փոխարինում աջ պաշտպան Դանիել Ալվեշին, քանզի երբ բրազիլացին չի մասնակցում որևէ հանդիպման, ապա պաշտպանության աջ եզրում ստիպված է լինում դիրքավորվել կենտրոնական պաշտպան Կարլես Պույոլը: «Բարսելոնայի» գլխավոր մարզիչ Խոսեպ Գվարդիոլան դիտարկում է հետևյալ ֆուտբոլիստների թեկնածությունները` Ռաֆինյա («Շալկե»), Կրիստիան Անսալդի («Ռուբին»), Սեսար Ասպիլիկուետա («Օսասունա») և Էմանուել Էբուե («Արսենալ»):
