Լիոնել Մեսսին ու Էլ Հադադին վնասվածք են ստացել - 1 Սեպտեմբերի 2014 - ArmBarca.com
Գլխավոր էջ » 2014 » Սեպտեմբեր » 1 » Լիոնել Մեսսին ու Էլ Հադադին վնասվածք են ստացել
15:10
Լիոնել Մեսսին ու Էլ Հադադին վնասվածք են ստացել

Կատալոնական «Բարսելոնայի» հարձակվող Լիոնել Մեսսին Իսպանիայի առաջնության երկրորդ տուրի «Վիլյառեալի» դեմ հանդիպման ժամանակ վնասվածք է ստացել, հաղորդում է SportStar.am-ը:

Ինչպես հաղորդում է «կապտանռնագույնների» պաշտոնական կայքը, 27-ամյա ֆուտբոլիստի մոտ աջ ազդրի առբերող մկանի գերձգում է ախտորոշվել: Նշենք, որ արգենտինացին երեկվա խաղում 90 րոպե էր անցկացրել:

Բացի դրանից, աջ ազդրն է վնասել նաև Իսպանիայի փոխչեմպիոնի մեկ այլ հարձակվող՝ Մունիր Էլ Հադադին: Վերջինս փոխարինվել էր երկրորդ խաղակեսի միջնամասում:

Հաղորդվում է, որ խաղացողների վերականգնման ժամկետները պարզ կդառնան երեքշաբթի նախատեսված խորացված բուժզննումից հետո:

Հիշեցնենք, որ «Վիլյառեալ» – «Բարսելոնա» հանդիպումն ավարտվել էր Լուիս Էնրիկեի թիմի նվազագույն առավելությամբ:

Կատեգորիա: Նորություններ | Դիտումներ: 308 | Ավելացրեց: Մեսսի2014