«Բարսելոնան» ընդդեմ «Էլչէի»․ Լա լիգան մեկնարկում է - 24 Օգոստոսի 2014 - ArmBarca.com
Գլխավոր էջ » 2014 » Օգոստոս » 24 » «Բարսելոնան» ընդդեմ «Էլչէի»․ Լա լիգան մեկնարկում է
21:38
«Բարսելոնան» ընդդեմ «Էլչէի»․ Լա լիգան մեկնարկում է

«Բարսելոնայի» մի քանի ֆուտբոլիստներ 2014/15 մրցաշրջանի առաջնության առաջին հանդիպման ընթացքում կարող են նշել իրենց պաշտոնական նորամուտը։

Ուղիղ 99 օր է անցել այն պահից, երբ «Բարսելոնան» իր ձեռքից բաց թողեց գավաթը հաղթելու հնարավորությունը և հիմա եկել է ժամանակը, որպեսզի թիմը սկսի ամեն ինչ նորից։ «Բարսելոնան» կխաղա Էլչեյի դեմ Կամպ Նոու մարզադաշտում, հենց այն թիմի դեմ, որի հետ անցած առաջնության նախավերջին տուրում կայացած խաղում (0-0) կորցրեց չեմպիոնական տիտղոսը նվաճելու վերջին հույսը, որի արդյունքում Մադրիդի «Ատլետիկոյին» մնում էր ուղղակի ոչ ոքի խաղալ «Բարսելոնայի» դեմ խաղում, որպեսզի դառնար Իսպանիայի առաջնության չեմպիոն։

Բայց հիմա երկու թիմերում էլ եղել են շատ փոփոխություններ։ Ընդ որում կատալոնացիների նորանշանակ մարզիչը հնարավորություն ունի խաղադաշտ դուրս բերել 8 նոր ֆուտբոլիստներ։ Նրանք են՝ Մասիպը, Տեր Շտեգենը, Բրավոն, Մաթյոն, Վերմաելենը, Ռաֆինյան, Սուարեսը և Ռակիտիչը։ Թիմը կարծես սկսում է նոր մրցաշրջանը ավելի ոգևորված և անցած մրցաշրջանի անհաջողություններից հետո նրանք վստահ են, որ կարող են վերադառնալ նախկին մարզավիճակին։

Չորս նորամուտ

Այս տաչ «Բարսելոնան» ձեռք է բերել 8 նոր ֆուտբոլիստների, բայց այսօրվա խաղին հնարավորություն ունեն մասնակցել նրանցից 4-ը։ Տեր Շտեգենը և Վերմաելենը վնասվածք ունեն, Սուարեսը որակազրկված է, իսկ Մասիպ և Բրավո զույգից խաղին կարող է մասնակցել միայն մեկը։ Պեդրոն դեռ նոր է սկսել մարզումները և նրա մասնակցությունը խաղին կրկին հարցականի տակ է, իսկ Նեյմարի մոտ բժիշկները նկատել էին թեթև վնասվածք, բայց Լուիս Էնրիկեն նշել էր, որ հույս ունի երկու ֆուտբոլիստներին էլ տեսնել խաղադաշտում։

«Էլչէի» նոր տեսքը

Ինչպես «Բարսելոնան», այնպես էլ մյուս մրցակիցները կատարել են մի շարք փոփոխություններ թիմի կազմում։ Ֆրան Էսկրիբան դեռ մնում է թիմում, բայց թիմը կորցրել է Կարլես Գիլին, Բոակեին, Խավի Մարկեսին և Բոտիային, իսկ թիմը ձեռք է բերել Ադրիանին, Մոսկերային, ՋՒոնաթասին, Պասալիկին և Ֆայկալին։

Էդգար Առաքելյան, ArmBarca.com

Աղբյուրը՝ FCBarcelona.com

Կատեգորիա: Նորություններ | Դիտումներ: 84 | Ավելացրեց: Իբրա-Կադաբրա