Կատալոնական «Բարսելոնայի» գլխավոր մարզիչ Լուիս Էնրիկեն Ժոան Գամփերի գավաթի հանդիպումից հետո կիսվել է իր տպավորություններով, հաղորդում է ակումբի պաշտոնական կայքը:
- Մենք հրաշալի թիմ ունենք և շարունակելու ենք աշխատել, կփորձենք մրցակցին խնդիրների առաջ կանգնեցնել: Փորձելու ենք անկանխատեսելի խաղ ցուցադրել: Մեսսին և Նեյմարն այսօր իրար հիանալի էին հասկանում:
Ֆիզիկապես մենք շատ լավ ենք պատրաստված: Մրցաշրջանի մեկնարկային հանդիպումներում չի կարելի հարյուրտոկոսանոց պատրաստվածությամբ մոտենալ: Մարտավարության առումով ինձ ժամանակ է պետք:
Այն մասին, թե ինչպես կխաղա «Բարսելոնան» Իսպանիայի առաջնությունում, կիմանաք մոտ վեց օրից: Հնարավոր է, որ դարպասների մոտ լինի Կլաուդիո Բրավոն: Կմնա՞ արդյոք Մունիր Էլ-Հադդադին առաջին թիմում: Դա կախված կլինի նրա խաղից:
Հարձակման գծում ես մեծ ընտրություն ունեմ: Տրանսֆերային պատուհանը դեռ չի կարելի փակված համարել, այդ իսկ պատճառով մենք կարող ենք ուժեղացնել մեր կազմը: Դուգլաս Պերե՞յրա: Չեմ ցանկանում խոսել նրանց մասին, ովքեր իմ կազմում չեն խաղում,- հայտարարել է Էնրիկեն:
|