Լուիս Էնրիկեն խոսել է «Բարսելոնայի» առաջիկա մրցակիցների մասին - 28 Հուլիսի 2014 - ArmBarca.com
Գլխավոր էջ » 2014 » Հուլիս » 28 » Լուիս Էնրիկեն խոսել է «Բարսելոնայի» առաջիկա մրցակիցների մասին
18:25
Լուիս Էնրիկեն խոսել է «Բարսելոնայի» առաջիկա մրցակիցների մասին

Կատալոնական «Բարսելոնան» երկուշաբթի օրը կսկսի վեցօրյա ուսումնամարզական հավաքն Անգլիայի «Սենտ Ջորջ Պարկ»-ում: Մինչ Մեծ Բրիտանիա ուղևորվելը թիմի նորանշանակ գլխավոր մարզիչ Լուիս Էնրիկեն զրուցել է լրագրողների հետ:

«Նուևո Կոլոմբինո» մարզադաշտում «Ռեկրեատիվոյին» 0-1 հաշվով հաղթելուց հետո «Բարսելոնան» շաբաթ օրը` օգոստոսի 2-ին ընկերական հանդիպում կանցկացնի ֆրանսիական «Նիցցայի» հետ: Հանդիպումը կմեկնարկի Երևանի ժամանակով 22:45-ին:

Մի քանի մարզումներից հետո Լուիս Էնրիկեն ներկայացրել է թիմի` ուսումնամարզական հավաքի ընթացքում կատարվելիք նպատակները:

«Ծրագրում ենք ուժեղացնել մեր ֆիզիկական վիճակը: Սա սովորական մինչմրցաշրջանային հանդիպումներ չեն, այդ իսկ պատճառով մենք չուղևորվեցինք տուրերի: Ներկա պահին ցանկանում ենք մարզվել»,- ասել է Լուիս Էնրիկեն:

Վերջինս խոսել է նաև մինչ Ժոան Գամփերի գավաթի հանդիպումն անցկացվող ընկերական հանդիպումների մասին:

Ֆրանսիական «Նիցցա»

«Առաջին հանդիպումը կանցկացնենք «Նիցցայի» հետ: Նրանց առաջնությունը կմեկնարկի մի քանի օրից, սակայն դա չի նշանակում, որ մեր պահանջները քիչ են լինելու: Կարող եմ ասել, որ հանդիպման տեմպը բարձր է լինելու»,- կարծում է Էնրիկեն:

Այս հանդիպման ընթացքում Աուստրիացին կարող է իր տրամադրության տակ ունենալ Պիկեին, Խորդի Ալբային, Սերխիոյին, Խավիին, Ինիեստային, Պեդրոյին, Ռակիտիչին, Ալեքս Սոնգին և թիմի նորեկ, ֆրանսիացի պաշտպան Ժերեմի Մաթյոյին:

Իտալական «Նապոլի»

«Կապտանռնագույնների» հաջորդ մրցակիցը կլինի Իտալիայի առաջնության ամենաարդյունավետ թիմերից մեկը` «Նապոլին»: «Բարսելոնան» «Նապոլիի» հետ ընկերական հանդիպում կանցկացնի օգոստոսի 6-ին, Շվեյցարիայի մայրաքաղաք Ժնևում: 

«Վերջին տարիներին «Նապոլին» շատ մեծ աճ է գրանցել: Նրանք կարող են պայքարել Սկուդետտոյի համար: Այդ ամենը հավելյալ խթան է մեզ համար»,- ասել է Էնրիկեն:

Ֆինլանդական «Հելսինկի»

«Բարսելոնայի» վերջին մրցակիցը կլինի Ֆինլանդիայից: Այդ թիմի մասին Էնրիկեն ասել է հետևյալը.
«Հնարավոր է, որ մեզ այնտեղ անհամբերությամբ են սպասում, քանի որ տոմսերն արդեն իսկ սպառվել են: Հանդիպման դեսպանը կլինի իմ վաղեմի ընկեր Լիտմանենը»,- եզրափակել է Էնրիկեն:

Կատեգորիա: Մամուլի ասուլիսներ և հարցազրույցներ | Դիտումներ: 182 | Ավելացրեց: Մեսսի2014