Սուարես - Նեյմար - Մեսսի եռյակը կարող է չմասնակցել ՉԼ-ի վերջին հանդիպումներին - 28 Հուլիսի 2014 - ArmBarca.com
Գլխավոր էջ » 2014 » Հուլիս » 28 » Սուարես - Նեյմար - Մեսսի եռյակը կարող է չմասնակցել ՉԼ-ի վերջին հանդիպումներին
16:35
Սուարես - Նեյմար - Մեսսի եռյակը կարող է չմասնակցել ՉԼ-ի վերջին հանդիպումներին

Չեմպիոնների լիգայի 2014/15 թթ. խաղարկության եզրափակիչ հանդիպումը սովորական ժամկետից ավելի ուշ տեղափոխելու պատճառով կատալոնական «Բարսելոնան» կարող է լուրջ խնդիրների առջև կանգնել։ Եվրոպայի գլխավոր ակումբային մրցաշարի եզրափակիչ դուրս գալու դեպքում կատալոնացիները կարող է մնան առանց իրենց աստղային հարձակման գծի։

Խնդիրը նրանում է, որ Չեմպիոնների լիգայի եզրափակիչ հանդիպումը կայանալու է հունիսի 6-ին Բերլինում, իսկ Ամերիկայի գավաթի 2015 թվականի առաջնությունը մեկնարկում է հունիսի 11-ին։ Միաժամանակ, մրցաշարին պատրաստվելու համար լատինամերիկյան երկրների թիմերի բոլոր ֆուտբոլիստներին պարտադրվել է մինչև մայիսի 28-ը ժամանել հավաքականների ճամբար։

Նման պարագայում «Բարսելոնայի» ֆուտբոլիստներից Լիոնել Մեսսին, Խավիեր Մասկերանոն, Նեյմարը, Դանիել Ալվեսը և Կլաուդիո Բրավոն կարող են չմասնակցել ՉԼ-ի հանդիպմանը։ Նրանց կարող է միանալ նաև Լուիս Սուարեսը, եթե Սպորտային արբիտրաժային դատարանին ներկայացված ՖԻՖԱ-ի որոշման դեմ բողոքը բավարարվի նաև Ուրուգվայի ազգային հավաքականի խաղերին մասնակցելու որակազրկումը կրճատելու մասով և նա իրավունք ստանա խաղալ «սելեստեի» կազմում։

Նշվում է, որ եվրոպական ֆուտբոլի մյուս ակումբներն էլ են անհանգստացած օրացույցային այդ փոփոխությունից, սակայն ամենամեծ տուժողը կարող է հենց «Բարսելոնան» դառնալ։

Հավելենք, որ «կապտանռնագույնների» վերը նշված ֆուտբոլիստները կարող են չմասնակցել նաև Իսպանիայի Գավաթի եզրափակիչ խաղին, որը նշանակված է մայիսի 30-ին։

Կատեգորիա: Նորություններ | Դիտումներ: 167 | Ավելացրեց: Մեսսի2014