Անգլիական «Լիվերպուլի» և Ուրուգվայի ազգային հավաքականի հարձակվող Լուիս Սուարեսը հաջորդ շաբաթվա ընթացքում կմեկնի Կատալոնիա՝ «Բարսելոնայում» բուժզննում անցնելու համար, հաղորդում է ակումբի պաշտոնական կայքը:
Հաղորդվում է, որ 27-ամյա հարձակվողը «Բարսելոնայի» հետ հնգամյա պայմանագիր կկնքի:
Ըստ Daily Mail-ի` «Բարսելոնան» Սուարեսի համար վճարել է 75 մլն եվրո:
«Լիվերպուլի» պաշտոնական կայքը Սուարեսին հաջողություն է մաղթել նոր ակումբի կազմում:
Հիշեցնենք, որ ՖԻՖԱ-ն Սուարեսին որակազրկել էր 4 ամսով 2014-ի Աշխարհի առաջնության Իտալիայի հետ խաղում՝ Ջորջիո Կիելինիի ուսը կծելու համար:
|