«Բարսելոնայի» և անգլիական «Լիվերպուլի» միջև Լուիս Սուարեզի հարցով բանակցությունների առաջին փուլն ավարտված է, հայտնում է BBC-ն։
Չորեքշաբթի օրը «Լիվերպուլի» գործադիր տնօրեն Յան Էյրը Լոնդոնում հանդիպել է կատալոնական «Բարսելոնայի» ղեկավարության հետ և քննարկել 27-ամյա հարձակվողի տրանսֆերի հարցը, ում ՖԻՖԱ-ն արգելել է մինչև հոկտեմբերի վերջ ֆուտբոլ խաղալ:
Չնայած այն փաստին, որ «Լիվերպուլը» Սուարեզի համար պահանջում է 80 մլն ֆունտ, BBC-ն հաջող է գնահատում բանակցությունների առաջին փուլը։
- Բանակցություններն արդյունավետ ստացվեցին: Երկու կողմերն էլ տարբեր սպասելիքներ ունեն: Առայժմ ինչ որ պայմանավորվածություն չկա, բայց բանակցությունները շարունակվում են ,- գրում է «Լիվերպուլին» շատ մոտ կանգնած թերթերից մեկը:
The Guardian պարբերականը կարծում է, որ գործարքը շատ շուտով կկնքվի և Սուարեզը կդառնա «Բարսելոնայի» ֆուտբոլիստ։
|