Արգենտինայի ազգային հավաքականի և իտալական «Նապոլիի» հարձակվող Գոնսալո Իգուաինը հայտարարել է, որ ոչինչ չգիտի կատալոնական «Բարսելոնայի» հետաքրքրվածության մասին, հաղորդում է Football-Italia.net-ը:
«Ես «Բարսելո՞նայում»: Ոչինչ չգիտեմ այդ մասին, այդ իսկ պատճառով չեմ կարող որևիցէ մեկնաբանություն տալ: Հիմա ես մտածում եմ միայն Աշխարհի առաջնության մասին»,- հայտարարել է Իգուաինը:
Հիշեցնենք, որ կատալոնական «Բարսելոնան» մինչ Լուիս Սուարեսի ծառայություններով հետաքրքրված լինելն ակտիվ հետևում էր արգենտինացի հարձակվողի խաղին:
| 
