«Բարսելոնայի» նախկին գլխավոր մարզիչ Խերարդո Մարտինոն հայտարարել է, որ այդ պաշտոնում աշխատելը չափազանց հոգնեցուցիչ է` մշտական ճնշման պատճառով: Հիշեցնենք, որ այդ մասնագետի ղեկավարությամբ կատալոնական ակումբը ավարտված մրցաշրջանի արդյունքներով մնաց առանց մրցանակների:
- Երբ թիմը հաղթում է, դա խաղացողների վաստակն է, իսկ երբ պարտվում է, մեղադրում են մարզչին,- Մարտինոյի խոսքերն է փոխանցում Marca-ն:
- Կարևոր է, որ ֆուտբոլիստները հրապարակային կերպով պաշտպանում են մարզիչին, սակայն հետո այդ իրավիճակը սկսում է հոգնեցնել: Գվարդիոլայի ժամանակաշրջանի «Բարսելոնան» ակումբի պատմության ընթացքում լավագույն թիմն էր: Համեմատությունները երբեք այլ թիմի օգտին չեն լինի: Այնպես որ «Բարսելոնայի» համար ուղղակի հաղթելը բավական չէ:
|