Բարտումեուն կատարում է իր խոստումը. «Բարսելոնայի» վերածնունդը (Մաս առաջին) - 20 Մայիսի 2014 - ArmBarca.com
Գլխավոր էջ » 2014 » Մայիս » 20 » Բարտումեուն կատարում է իր խոստումը. «Բարսելոնայի» վերածնունդը (Մաս առաջին)
00:12
Բարտումեուն կատարում է իր խոստումը. «Բարսելոնայի» վերածնունդը (Մաս առաջին)

Ոչ այնքան լավ անցկացրած մրցաշրջանի ավարտից հետո կատալոնական «Բարսելոնայի» նախագահ Խոսեպ Մարիա Բարտոմեուն կատարեց իր խոստումը: Նախ, առավոտյան հայտնի դարձավ, որ թիմը երկարաձգել է արգենտինացի հարձակվող Լիոնել Մեսսիի պայմանագրի ժամկետը:

Այս լուրից հետո կատալոնական ակումբի պաշտոնական կայքը հայտարարեց, որ թիմը գլխավորել է «Սելտայի» արդեն նախկին գլխավոր մարզիչ Լուիս Էնրիկեն: Ըստ աղբյուրի` իսպանացի մասնագետը չորեքշաբթի օրը երկամյա պայմանագիր կկնքի թիմի հետ:

Գլխավոր մարզչի հարցն էլ լուծվեց ...

Ամեն ինչ այսքանով չավարտվեց: Պաշտոնական հայտարարություն եղավ, որում նշվում էր, որ թիմը համալրում է գերմանացի երիտասարդ դարպասապահ Անդրե Տեր Շտեգենը: Հաղորդվեց նաև, որ թիմը լքում է զավեշտային պատմություններով լի կարիերա ունեցող դարպասապահ Խոսե Մանուել Պինտուն:

Երիտասարդ ֆուտբոլիստների հարցն էլ լուծվեց ...

Թիմ վերադարձան Ռաֆայել Ալկանտարան («Սելտա») և Ժերար Դեուլոֆեուն («Էվերթոն»): Վերջիններս վարձավճարով հանդես էին գալիս այլ ակումբներում: 

Այժմ թիմը պետք է մտածի նոր պաշտպաններ ձեռք բերելու մասին ...

Կատեգորիա: Նորություններ | Դիտումներ: 1360 | Ավելացրեց: Մեսսի2014