«Ռոմայի» կիսապաշտպան Միրալեմ Պյանիչը կարող է կարիերան շարունակել «Բարսելոնայում», որը վաղուց հետաքրքրված է բոսնիացու ծառայություններով:
24-ամյա ֆուտբոլիստը համաձայն է տեղափոխվել կատալոնական ակումբ, սակայն այն դեպքում, եթե թիմը գլխավորի «Սելտայի» ներկայիս մարզիչ Լուիս Էնրիկեն, ով նախկինում նրա հետ աշխատել է «Ռոմայում»:
Նշենք, որ հենց իսպանացի մասնագետն է Պյանիչին «Լիոնից» հրավիրել հռոմեական ակումբ:
Հավելենք, որ Բոսնիայի և Հերցեգովինայի հավաքականի կիսապաշտպանի տրանսֆերը գնահատվում է 12 միլիոն եվրո:
Ավելի վաղ հայտնի էր դարձել, որ Լուիս Էնրիկեն համաձայնել է «Բարսելոնայի» հետ երկու տարվա պայմանագիր ստորագրել:
| 
