Կատալոնական «Բարսելոնայի» բրազիլացի եզրային պաշտպան Դանիել Ալվեսը նշել է, որ ակումբում տիրող բացասական մթնոլորտը կարող է նրան ստիպել հեռանալ թիմից, հաղորդում է Inside Spanish Football-ը:
- «Բարսելոնայի» ֆուտբոլիստ դառնալը շատ դժվար է, իսկ ես շարունակում եմ լինել ակումբի պատմության մասնիկը: Բայց մեզ դրական էմոցիայի ալիք է հարկավոր, այն ինչ ինձ մոտիվացնում է: Իրոք հավատում եմ ակումբում տիրող մթնոլորտի կարևորությանը: Ես ապրում եմ այդ լիցքերով, որը գալիս է ընդհանուր կոլեկտիվից, իսկ երբ մթնոլորտը բացասական է դառնում` ամեն ինչ կորչում է:
Եթե ակումբում տիրող իրավիճակը չփոխվի, ես հաստատ կհեռանամ, որովհետև պարզապես կհոգնեմ այդ ամենից: Եթե այս ամռանը մնամ Կատալոնիայում, ուրեմն «Բարսելոնայում» տիրող մթնոլորտը պետք է փոխվի»,- ասել է բրազիլացին:
Հիշեցնենք, որ 31-ամյա ֆուտբոլիստի կարիերայի շարունակման ամենահավանակն վայրը ֆրանսիական ՊՍԺ-ն է:
|