Գլխավոր էջ » 2014 » Ապրիլ » 8 » Խավի. «Լավ կլինի, որ Դիեգո Կոստան չխաղա մեր դեմ»
19:32
Խավի. «Լավ կլինի, որ Դիեգո Կոստան չխաղա մեր դեմ»

Իսպանական «Բարսելոնայի» կիսապաշտպան Խավի Հերնանդեսը հուսով է, որ Պրիմերայի առաջատար Մադրիդի «Ատլետիկոյին» չի հաջողվի դուրս գալ Չեմպիոնների լիգայի կիսաեզրափակիչ:

Վաղը՝ ապրիլի 9-ին, «Բարսելոնան» Չեմպիոնների լիգայի քառորդ եզրափակիչ պատասխան խաղում, հյուրընկալվելիս ուժերը կչափի «Ատլետիկոյի» հետ: «Վիսենտե Կալդերոնում» կայանալիք հանդիպումը՝ վնասվածքի պատճառով, կարող է բաց թողնել մադրիդցիների առաջատար Դիեգո Կոստան:

- Մեր թիմում տարբերություն կարող է ստեղծել Նեյմարը: Նա կարողացավ աչքի ընկնել առաջին խաղում եւ կարեւոր ֆուտբոլիստ կլինի նաեւ մրցակցի հարկի տակ: Իսկ ահա Դիեգո Կոստան հանդիսանում է «Ատլետիկոյի» առանցքային ֆուտբոլիստը:

Նա կարողանում է տուգանքներ վաստակել, պաշտպաններին ստիպում է շատ աշխատել եւ, ընդհանուր առմամբ, շարժունակ է: Կարծում եմ, որ նրա բացակայությունը, եթե իհարկե չհասցնի վերականգնվել, կարեւոր գործոն է, - ասել է Խավին:  

Կատեգորիա: Մամուլի ասուլիսներ և հարցազրույցներ | Դիտումներ: 206 | Ավելացրեց: Մեսսի2014