14:26 Նեյմար. «Ոսկե գնդակը» հուսալի ձեռքերում է. Ռոնալդուն լիովին արժանի է մրցանակին» | |
|
Կատալոնական «Բարսելոնայի» հարձակվող Նեյմարը կարծում է, որ Մադրիդի
«Ռեալի» առաջատար Կրիշտիանու Ռոնալդուն արժանի է 2013 թվականի աշխարհի
լավագույն ֆուտբոլիստի մրցանակին, հաղորդում են իսպանական լրատվամիջոցները: Պորտուգալիայի հավաքականի ֆուտբոլիստը «Ոսկե գնդակի» համար պայքարում գերազանցեց լավագույնների եռյակում հայտնված մյուս 2 խաղացողներին` այդ մրցանակի քառակի դափնեկիր, «Բարսելոնայի» հարձակվող Լիոնել Մեսսիին ու Մյունխենի «Բավարիայի» կիսապաշտպան Ֆրանկ Ռիբերիին: «Ռոնալդուն երկար ճանապարհ է անցել, որպեսզի հասնի նման բարձունքների: Հարկավոր է քրտնաջան աշխատել նրա համար, որպեսզի հաղթես այս մրցանակը: Նա լիովին արժանի է այդ պատվին: Բնականաբար, ես կցանկանայի հաղթողի դերում տեսնել Մեսսիին, բայց կարծում եմ, որ «Ոսկե գնդակը» հուսալի ձեռքերում է»,- ասել է Նեյմարը: | |
| Կատեգորիա: Մամուլի ասուլիսներ և հարցազրույցներ | Դիտումներ: 528 | | |