Կուրտուա. «Չեմ դիտել «Բարսելոնա» - «Խետաֆե» հանդիպումը, քանի որ PlayStation էի խաղում» - 11 Հունվարի 2014 - ArmBarca.com
Գլխավոր էջ » 2014 » Հունվար » 11 » Կուրտուա. «Չեմ դիտել «Բարսելոնա» - «Խետաֆե» հանդիպումը, քանի որ PlayStation էի խաղում»
14:03
Կուրտուա. «Չեմ դիտել «Բարսելոնա» - «Խետաֆե» հանդիպումը, քանի որ PlayStation էի խաղում»
Մադրիդի «Ատլետիկոյի» դարպասապահ Տիբո Կուրտուան կիսվել է Իսպանիայի Լա Լիգայի 19-րդ տուրի կենտրոնական` կատալոնական «Բարսելոնայի» դեմ հանդիպումից իր սպասելիքներով:

«Ես չեմ դիտել նրանց վերջին հանդիպումը «Խետաֆեի» դեմ: Երբ ես տանն եմ, սիրում եմ հանգստանալ, և այդ ժամանակ խաղում եմ PlayStation: Մարզիչը մեզ կցուցադրի տեսանյութ, և մենք կուսումնասիրենք այդ խաղի առանցքային դրվագները:

«Բարսելոնայի» հետ հիանալի հանդիպում է լինելու, «Վիսենտե Կալդերոն» մարզադաշտը մեզ կօգնի: Գլխավորն ազատ տարածություններ չթողնելն ու պաշտպանությունում լավ հանդես գալն է:

Որ հաշիվն ինձ կբավարարի՞. ցանկացած հաշիվ, միայն եթե այն մեր օգտին լինի»,- ասել է բելգիացի դարպասապահը Marca-ի հետ զրույցում:

Պրեմիերայի ընթացիկ առաջնության երկու առաջատարների հանդիպումը տեղի է ունենալու այսօր և սկսվելու է Երևանի ժամանակով 23:00-ին: 
Կատեգորիա: Մամուլի ասուլիսներ և հարցազրույցներ | Դիտումներ: 512 | Ավելացրեց: Արման1996