Ալեքս Սոնգ. «Արսենալը» լավ թիմ է, իսկ «Բարսելոնան»` լավագույնն աշխարհում - 27 Դեկտեմբերի 2013 - ArmBarca.com
Գլխավոր էջ » 2013 » Դեկտեմբեր » 27 » Ալեքս Սոնգ. «Արսենալը» լավ թիմ է, իսկ «Բարսելոնան»` լավագույնն աշխարհում
18:39
Ալեքս Սոնգ. «Արսենալը» լավ թիմ է, իսկ «Բարսելոնան»` լավագույնն աշխարհում
Կատալոնական «Բարսելոնայի» կիսապաշտպան Ալեքս Սոնգը խոսել է Իսպանիայի գործող չեմպիոնի և իր նախկին ակումբի` Լոնդոնի «Արսենալի» խաղային համակարգերի նմանությունների մասին:

«Ես «Բարսելոնա» տեղափոխվեցի «Արսենալից», իսկ այնտեղ խաղում են նույն ոճով, քիչ տարբերությամբ: Հիմնական տարբերությունը ֆուտբոլիստների խաղամակարդակն է: «Արսենալը» լավ թիմ է, իսկ «Բարսան»`լավագույնն աշխարհում:

Արագություն, խաղի որակ` հենց սրանում է տարբերությունը, իսկ խաղային փիլիսոփայությունը նույնն է: Այնպես որ, ես սովորելու շատ բան չեմ ունեցել: Միայն մի քանի մանրամասներ, և վերջ:

Խերարդո Մարտինոն հիանալի մարզիչ է, նրա աշխատանքին ծանոթ էի դեռ մինչև իր` «Բարսելոնան» գլխավորելը: Ամեն ինչ լավ է ընթանում: Այո, մի քանի անգամ մենք պարտվեցինք, նա էլ ստացավ քննադատության իր մասնաբաժինը, քանի որ մարդիկ ցանկանում են կատարելություն:

Սակայն, մենք ճիշտ ճանապարհին ենք: Մարտինոն չի փոխել խաղային համակարգը, թեև դա ճիշտ է, որ մենք այժմ խաղային ավելի շատ տարբերակներ ունենք: Բայց էությունը մնում է նույնը»,- ասել է կամերունացի ֆուտբոլիստը:
Կատեգորիա: Մամուլի ասուլիսներ և հարցազրույցներ | Դիտումներ: 276 | Ավելացրեց: Արման1996