Կատալոնական «Բարսելոնան» երկար փնտրտուքներից հետո որոշում է կայացրել: Ինչպես հաղորդում է Sport.es-ը, ակումբը որոշել է այս մրցաշրջանի ընթացքում չգնել նոր պաշտպանի:
Կատալոնական «Բարսելոնան» պատրաստ էր Դորտմունդի «Բորուսսիայի» պաշտպան Մաց Հումելսի համար վճարել 35 միլիոն եվրո տրանսֆերային գին, սակայն գերմանական ակումբը պաշտոնապես հայտարարեց, որ չի վաճառելու իր պաշտպանին։
Հավելենք, որ «Բարսելոնան» վերջերս նոր պայմանագիր է կնքել պաշտպաններ Կառլես Պույոլի, Մարկ Բարտրայի և Մարտին Մոնտոյայի հետ:
