Չավի. Մադրիդում սիրում են պիտակներ կպցնել, բայց Նեյմարը դերասան չէ
«Բարսելոնայի» կիսապաշտպան Չավի Էրնանդեսը մեկնաբանել է թիմի հարձակվող
Նեյմարի հասցեին հնչեցվող քննադատությունները: Հիշեցնենք` բրազիլացի
ֆուտբոլիստին հաճախ են մեղադրում սիմուլյացիաների դիմելու մեջ:
-Այդ ամենը պայմանավորված է նրանով, որ «Բարսելոնան» անչափ շատ մրցակիցներ ունի:
Մադրիդում
միշտ փորձում են գտնել մի բան, որն իրենց սրտով չէ, ու մարդկանց վրա
պիտակներ կպցնել: Այժմ բոլորի ուշադրությունը Նեյմարի վրա է, սակայն նա
դերասան չէ:
«Բարսելոնան» ներկայումս շատ ամուր հիմք ունի` կազմում
ունենալով 7-8 երիտասարդ հիանալի ֆուտբոլիստների, որոնք շատ կարևոր են թիմի
համար:
Եթե մենք պահպանենք այդ հիմքը, ապա մեզ պայծառ ապագա է սպասվում: «Բարսելոնան» կշարունակի հաղթել նաև առանց ինձ:
Պարտադիր
չէ, որ ակումբը ձեռք բերի ֆուտբոլիստի` կոնկրետ որպես ինձ փոխարինողի, թեև
անփոխարինելի ֆուտբոլիստներ գոյություն չունեն,- Չավիի խոսքերը մեջբերում է
Football Espana-ն:
