Գլխավոր էջ » 2013 » Հոկտեմբեր » 2 » Կարծիքներ Նեյմարի նկատմամբ խախտման շուրջ. կա՞ր կարմիր քարտ, թե ոչ (Տեսանյութ)
22:31
Կարծիքներ Նեյմարի նկատմամբ խախտման շուրջ. կա՞ր կարմիր քարտ, թե ոչ (Տեսանյութ)
«Բարսելոնան», ինչպես հայտնի է, Չեմպիոնների լիգայի խաղարկության խմբային
փուլի 2-րդ տուրում երեկ արտագնա հաղթանակ է տոնել «Սելթիկի» նկատմամբ
(1:0): Հանդիպման գլխավոր մրցավարը խաղի ընթացքում դաշտից հեռացրել է
շոտլանդական թիմի ավագ Սքոթ Բրաունին` Նեյմարի նկատմամբ խախտման համար:
Հետխաղյա
իրենց մեկնաբանություններում սրա իրավացիության շուրջ իրենց կարծիքն են
հայտնել «Սելթիկի» գլխավոր մարզիչ Նիլ Լենոնը, «Բարսայի» պաշտպան Դանի
Ալվեսն ու անձամբ Նեյմարը:
Նիլ Լենոն. «Վստահ չեմ, որ դա կարմիր
քարտ էր: Եթե այդտեղ նույնիսկ շփում կար, ապա այն նվազագույն էր: Հեռացումը
փոխեց խաղը: «Բարսելոնայի» դեմ դժվար է խաղալ 11 հոգով, 10-ով` առավել ևս:
Նեյմարը որոշակի ունակություններ ունի, ինչն իրեն թույլ է տալիս
չափազանցեցրած ներկայացնել իրավիճակը»:
Դանի Ալվես. «Յուրաքանչյուր
մարդ կարող է ունենալ իր կարծիքը: Ոտքերին ամեն հարվածից պետք է խուսափել:
Պետք է հարգել կանոնները, այլ ոչ թե փորձել վնասվածք հասցնել մրցակցին»:
Նեյմար.
«Այո, Բրաունը գցեց ինձ: Ամենակարևորը, որ մենք հաղթանակ տոնեցինք, ու
բոլորս ուրախ ենք այս երեք միավորի համար: Ես ուրախ եմ թիմի օգնելու համար
ու այստեղ խաղից խաղ ինձ ավելի լավ եմ զգում»: