«Վալենսիայի» դարպասապահ Դիեգո Ալվեսը մեկնաբանել է այն լուրերը, որ կարող է
դառնալ «Բարսելոնայում» Վիկտոր Վալդեսի փոխարինողը, ով, ինչպես հայտնի է,
ընթացիկ մրցաշրջանի ավարտից հետո ազատ գործակալի կարգավիճակում հեռանալու է
կատալոնական ակումբից:
-Ո՞վ չէր ցանկանա խաղալ «Բարսելոնայում»:
Բայց ամեն ինչ չէ, որ կախված է ինձնից: Տեղափոխությունների մասին շշուկներ
միշտ էլ լինում են, բայց պաշտոնապես ոչինչ չկա:
Ես շարունակում եմ
խաղալ «Վալենսիայում»: Ակումբի հետ պայմանագիր ունեմ մինչև 2015 թվականը:
Միևնույն ժամանակ, ցավում եմ, որ Վալդեսը հեռանալու է: Դա մեծ կորուստ
կլինի «Բարսելոնայի» համար: Իմ կարծիքով` նա այժմ ամենալավ մարզավիճակում
է,- բրազիլացի դարպասապահի խոսքերը մեջբերում է Goal.com-ը:
|
