Գլխավոր էջ » 2013 » Սեպտեմբեր » 22 » Մարտինո. Ուրախ եմ, որ մարզում եմ Վալդեսի նման դարպասապահի
11:04
Մարտինո. Ուրախ եմ, որ մարզում եմ Վալդեսի նման դարպասապահի
«Բարսելոնայի» գլխավոր մարզիչ Խերարդո Մարտինոն ամփոփել է Իսպանիայի առաջնության 5-րդ տուրում «Ռայո Վալյեկանոյի» նկատմամբ տոնած հաղթանակը (4:0):

-«Ռայոն» պրեսինգ էր կիրառում, ու մեզ դժվար էր խաղալ կարճ փոխանցումներով: Ստիպված էինք դիմել այլընտրանքային տարբերակին` երկար փոխանցումներին: Այսպիսի հանդիպումներում պետք է խաղալ այնպես, որպեսզի գնդակ ստանալու հնարավորություն ունենանք դաշտի ամեն հատվածում:

Ինձ շատ դուր եկավ, թե մենք ինչպես էինք խաղում երկրորդ խաղակեսում: Մենք սխալներ թույլ չտվեցինք պաշտպանությունում ու, ինչպես «Այաքսի» հետ խաղում, ավելացրինք ճնշումը մրցակցի դարպասին:

Վալդեսը խաղում է գերազանց մակարդակի վրա, ես շատ ուրախ եմ, որ մարզում եմ նրան: Նա կարողացավ փրկել մեզ ու հետ մղել 11-մետրանոցը:

Նեյմարը շատ խելացի ֆուտբոլիստ է, նա լավ է կարդում խաղը: Նա կարող էր ինքը գոլ խփել, բայց փոխանցում կատարեց Պեդրոյին: Դեռևս նրա հաշվին է այս մրցաշրջանի կարևորագույն գոլերից մեկը («Ատլետիկոյի» դեմ Իսպանիայի Սուպերգավաթում),- ասել է «Տատան»:

Կատեգորիա: Մամուլի ասուլիսներ և հարցազրույցներ | Դիտումներ: 336 | Ավելացրեց: Արման1996