«Բարսելոնա» - «Այաքս». Մեսսիի, Ֆաբրեգասի, Վալդեսի և Բոյանի հետխաղային կարծիքները - 19 Սեպտեմբերի 2013 - ArmBarca.com
Գլխավոր էջ » 2013 » Սեպտեմբեր » 19 » «Բարսելոնա» - «Այաքս». Մեսսիի, Ֆաբրեգասի, Վալդեսի և Բոյանի հետխաղային կարծիքները
16:53
«Բարսելոնա» - «Այաքս». Մեսսիի, Ֆաբրեգասի, Վալդեսի և Բոյանի հետխաղային կարծիքները
Կատալոնական «Բարսելոնան» երեկ երեկոյան ՉԼ-ի 2013/14 մրցաշրջանի առաջին տուրում ջախջախիչ հաշվով հաղթանակ տոնեց հոլանդական «Այաքսի» նկատմամբ: Հանդիպումից անմիջապես հետո ֆուտբոլիստները խոսել են լրագրողների հետ:

Լեոնել Մեսսի

«Ուրախ եմ, որ Չեմպիոնների լիգա մրցաշարերում գոլերիս քանակը հասցրեցի 62-ի, սակայն ես չեմ մտածում ռեկորդը թարմացնելու մասին: Առաջին հերթին թիմի հաղթանակն է կարևոր, հետո` անձնական ռեկորդները: Լեգենդար Ռաուլին շրջանցելն իրոք շատ հաճելի է, սակայն դա չի կարող ինձ համար գերնպատակ լինել»,-ասել է Մեսսին:

Ֆրանչեսկ Ֆաբրեգաս

«Կան թերություններ, որոնք պետք է ուղղվեն: Մենք գոհ ենք հաշվից, սակայն խաղից` ոչ: Ձգտում ենք ավելիին: Մարզումներին կաշխատենք ուղղել թերությունները, քանի որ առաջիկայում լուրջ հանդիպումներ են սպասվում: Տատան մեզնից ավելին է սպասում»,-նշել է Ֆաբրեգասը:

Վիկտոր Վալդես

«Մենք այսօր շատ լավ էինք պաշտպանվում: Տղաները շատ լավ էին դիրքավորվել, իսկ ես աշխատում էի գոլ բաց չթողնել: Շատ կարևոր է տնային խաղերում հաղթանակ տոնել: Գիտեմ, որ սա իմ վերջին մրցաշրջանն է «Բարսելոնայի» հետ և ես ցանկանում եմ այն շատ լավ անցկացնել: Երազանքս «Բարսելոնայի» հետ ևս մեկ անգամ ՉԼ հաղթելն է: Շնորհակալ եմ երկրպագուներին ջերմ աջակցության համար: Առանց աջակցության ոչ մի ֆուտբոլիստ երկար չի դիմանա»,-խոստովանել է Վալդեսը:

Բոյան Կրկիչ («Այաքս»)


«Մինչ խաղադաշտ դուրս գալս շատ էի վախենում: Չգիտեմ, թե ինչն էր պատճառը: Դաշտ դուրս գալուն պես վախս անցավ երկրպագուների շնորհիվ: Այժմ մտածում եմ «Այաքսի» հետ լավ խաղեր անցկացնելու մասին: Ցավոք` պարտվեցինք»,-հայտարարել է Կրկիչը:
Կատեգորիա: Նորություններ | Դիտումներ: 506 | Ավելացրեց: Մեսսի2014