Ալբայի մասնակցությունն «Այաքսի» հետ խաղին հարցականի տակ է - 15 Սեպտեմբերի 2013 - ArmBarca.com
Գլխավոր էջ » 2013 » Սեպտեմբեր » 15 » Ալբայի մասնակցությունն «Այաքսի» հետ խաղին հարցականի տակ է
11:15
Ալբայի մասնակցությունն «Այաքսի» հետ խաղին հարցականի տակ է
«Բարսելոնայի» պաշտպան Ժորդի Ալբան «Սևիլյայի» հետ երեկ տեղի ունեցած հանդիպման ընթացքում ստացել է ազդրի վնասվածք, հաղորդում է ակումբի պաշտոնական կայքը:

Իսպանացի ֆուտբոլիստը մոտ ժամանակներս բուժզննում կանցնի, որի արդյունքներն էլ ցույց կտան, թե մոտավոր որքան ժամանակից նա շարք կվերադառնա:

Հիշեցնենք` կատալոնական ակումբը Իսպանիայի առաջնության 4-րդ տուրի շրջանակներում երեկ անդալուսյան թիմին հաղթեց 3-2 հաշվով` հաղթական գոլը խփելով 94-րդ րոպեին: Ալբան վնասվածքի պատճառով խաղադաշտը լքեց արդեն 15-րդ րոպեին:

Սեպտեմբերի 18-ին «Բարսան» կմեկնարկի Չեմպիոնների լիգայի խաղարկությունում, որտեղ խմբային փուլի առաջին հանդիպումը կանցկացնի Ամստերդամի «Այաքսի» դեմ` «Կամպ Նոու» մարզադաշտում: 
Կատեգորիա: Նորություններ | Դիտումներ: 201 | Ավելացրեց: Արման1996