Ֆաբրեգասն ու Սոնգը` «Մանչեսթեր Յունայթեդի» ձմեռային նպատակներ - 14 Սեպտեմբերի 2013 - ArmBarca.com
Գլխավոր էջ » 2013 » Սեպտեմբեր » 14 » Ֆաբրեգասն ու Սոնգը` «Մանչեսթեր Յունայթեդի» ձմեռային նպատակներ
20:20
Ֆաբրեգասն ու Սոնգը` «Մանչեսթեր Յունայթեդի» ձմեռային նպատակներ
«Մանչեսթեր Յունայթեդի» գլխավոր մարզիչ Դևիդ Մոյեսը ձմեռային տրանսֆերային պատուհանի ժամանակ մտադիր է լուծել թիմի կիսապաշտպանական գծում առկա ճգնաժամը:

Հիշեցնենք, որ ամռանը մանկունյանցիները պաշտոնական առաջարկներ էին կատարել «Բարսելոնայի» կիսապաշտպան Սեսկ Ֆաբրեգասի, ինչպես նաև Դանիելե դե Ռոսսիի, Անդեր Էրրերայի ու Մարուան Ֆելայնիի տրանսֆերների համար, սակայն հաջողվել էր գնել միայն վերջինիս:

Daily Express ու Daily Star բրիտանական պարբերականներն այժմ պնդում են, որ Անգլիայի գործող չեմպիոնը ձմռանը նորից ակտիվանալու է տրանսֆերային շուկայում: Մասնավորապես, «Յունայթեդը» փորձելու է ձեռք բերել Էրրերային, ինչպես նաև նշանառության տակ է առել «Բարսայի» հենակետային կիսապաշտպան Ալեքս Սոնգին, ով մինչ կատալոնական ակումբ տեղափոխվելն իրեն հաջողությամբ է դրսևորել անգլիական ակումբներից մյուսում` «Արսենալում»:

Մանկունյանցիները չեն մոռացել նաև Ֆաբրեգասի մասին, ում համար ամռանը պաշտոնական մի քանի առաջարկներ կատարեցին, բայց ապարդյուն:  The Telegraph-ի հաղորդմամբ` նրանք շարունակում են ուշադրությամբ հետևել Սեսկի ելույթներին «Բարսելոնայի» կազմում: Եթե նա պարտվի «Բարսայի» մեկնարկային կազմում հայտնվելու համար մրցակցությունում, ապա անգլիական ակումբն անպայման կփորձի օգտվել դրանից: 
Կատեգորիա: Նորություններ | Դիտումներ: 205 | Ավելացրեց: Արման1996