«Բարսելոնան» այսօր պաշտոնապես հայտարարել է այն խաղահամարների մասին,
որոնցով նոր մրցաշրջանում հանդես կգան կատալոնական ակումբի ֆուտբոլիստները:
Եվ
այսպես, նախորդ մրցաշրջանի համեմատ, իրենց մարզաշապիկների համարներում
փոփոխություններ չեն ունեցել Վիկտոր Վալդեսը, Խերարդ Պիկեն, Սեսկ
Ֆաբրեգասը, Կարլես Պույոլը, Չավի Էրնանդեսը, Անդրես Ինյեստան, Ալեքսիս
Սանչեսը, Լիոնել Մեսսին, Ջոնաթան Դոս Սանտոսը, Խոսե Մանուել Պինտոն, Խավիեր
Մասկերանոն, Մարկ Բարտրան, Սերխիո Բուսկետսը, Ժորդի Ալբան ու Ադրիանոն:
Նորեկ
Նեյմարը, առաջին թիմ տեղափոխված Սերխի Ռոբերտոն ու Օյեր Օլազաբալը հանդես
կգան համապատասխանաբար 11, 24 ու 25 համարների մարզաշապիկներով: Դանի
Ալվեսն ի պատիվ թիմը լքած Էրիկ Աբիդալի, վերցրել է նրա 22 համարի
մարզաշապիկը, իսկ բրազիլացու 2 համարը` Մարտին Մոնտոյան: Պեդրո Ռոդրիգեսը
Դավիդ Վիլյայի հեռանալուց հետո վերցրել է 7 համարի մարզաշապիկը, իսկ
իսպանացու 17 համարի մարզաշապիկը կկրի Ալեքս Սոնգը:
Ինչ վերաբերում է
Իբրահիմ Աֆելլային, Իսաակ Կուենկային ու Քրիստիան Տելյոյին, ապա նրանք
կկրեն համապատասխանաբար 19, 23 ու 20 համարների մարզաշապիկները:
|
