14:27 Բուսկետս. Վստահ էի, որ կրկին խաղալու ենք «Միլանի» հետ | |
| «Բարսելոնայի» հենակետային կիսապաշտպան Սերխիո Բուսկետսը մեկնաբանել է
Չեմպիոնների լիգայի խմբային փուլի վիճակահանության արդյունքները:
Հիշեցնենք, որ կատալոնական ակումբի մրցակիցները Н խմբում կլինեն «Միլանը»,
«Այաքսն» ու «Սելթիկը»: -Իմ կանխատեսման մեկ երրորդը ճիշտ էր: Չգիտես ինչու, վստահ էի, որ հերթական անգամ հանդիպելու ենք «Միլանի» հետ: Իսկ «Սելթիկն» ու «Այաքսը»` մրցակիցներ են, որոնց ես չէի սպասում մեզ հետ միևնույն խմբում: Միևնույն ժամանակ, մեզ շատ հետաքրքիր հանդիպումներ են սպասվում: Հատկապես անհամբերությամբ սպասում եմ ամստերդամցիների հետ հակամարտություններին, որոնց հետ խաղերը խոստանում են շատ դիտարժան լինել: «Բարսան» ու «Այաքսը» շատ ընդհանրություններ ունեն,- Բուսկետսի խոսքերը մեջբերում է Sport.es-ը: | |
| Կատեգորիա: Մամուլի ասուլիսներ և հարցազրույցներ | Դիտումներ: 391 | | |