Հարձակվող Քրիստիան Տելյոն օգոստոսի 30-ին կերկարաձգի պայմանագիրը «Բարսելոնայի» հետ:
Ըստ
նոր համաձայնագրի` ֆուտբոլիստը կատալոնական ակումբում կմնա մինչև
2017/2018 թթ. մրցաշրջանի ավարտը: Տելյոյի հրաժարագինը նոր պայմանագրով
կկազմի 25 մլն. եվրո:
«Բարսայի» 20 համարն ակումբի առաջին թիմում
նախորդ մրցաշրջանում մասնակցել է 34 հանդիպման` դառնալով 8 գոլի հեղինակ:
Այս մրցաշրջանում 22-ամյա ֆուտբոլիստը մասնակցել է Իսպանիայի առաջնության
մեկնարկային տուրի` «Լևանտեի» հետ մրցավեճին (7-0):
Հիշեցնենք, որ ակումբի հետ այսօր նոր պայմանագիր է կնքել նաև կիսապաշտպան Սերխիո Բուսկետսը:
