Մեսսին «Ատլետիկոյի» հետ խաղի հայտացուցակում է - 28 Օգոստոսի 2013 - ArmBarca.com
Գլխավոր էջ » 2013 » Օգոստոս » 28 » Մեսսին «Ատլետիկոյի» հետ խաղի հայտացուցակում է
01:13
Մեսսին «Ատլետիկոյի» հետ խաղի հայտացուցակում է
Հարձակվող Լիոնել Մեսսին հայտնվել է «Բարսելոնայի» հայտացուցակում` Իսպանիայի Սուպերգավաթի շրջանակներում կայանալիք Մադրիդի «Ատլետիկոյի» հետ պատասխան հանդիպման համար:

Ըստ կատալոնական ակումբի գլխավոր մարզիչ Խերարդո Մարտինոյի խոսքերի` արգենտինացին այսօր հաջող մարզում է անցկացրել: Հիշեցնենք, որ Մեսսին վնասվածք էր ստացել սուպերգավաթային առաջին մրցավեճում, ինչի պատճառով բաց թողեց Լա Լիգայի 2-րդ տուրի`«Մալագայի» հետ հանդիպումը:

-Մեսսին իրեն լավ է զգում: Նա բոլորի հետ հավասար մասնակցել է մարզմանը: Լեոն պատրաստ է խաղադաշտ դուրս գալ առաջին րոպեներից, սակայն վերջնական որոշում կկայացնենք վաղը,- ասել է Տատան:

Ընդգծենք, որ «Բարսելոնային» առաջիկա մրցավեճում վնասվածքի պատճառով չի կարող օգնել բրազիլացի պաշտպան Ադրիանոն:

Դիտումներ: 309 | Ավելացրեց: Արման1996