Ինչպես հաղորդում է «Բարսելոնայի» պաշտոնական կայքը, կիսապաշտպան Սերխիո Բուսկետսը երկարաձգել է իր պայմանագիրը կատալոնական ակումբի հետ:
Իսպանիայի հավաքականի ֆուտբոլիստի նոր համաձայնագիրն ուժի մեջ կլինի մինչև 2018 թվականի հունիսի 30-ն ու թույլ է տալիս այն ապագայում երկարաձգել ևս մեկ տարով:
Ըստ պայմանագրի` Բուսկետսի հրաժարագինը կազմում է 150 մլն. եվրո:
Հենակետային կիսապաշտպանը «Բարսայի» կազմում մասնակցել է 238 հանդիպման` առաջին թիմում հանդես գալով 2008/2009 թթ. մրցաշրջանից:
