Գլխավոր էջ » 2013 » Մայիս » 30 » Էրիկ Աբիդալ. «Հեռանում եմ, բայց անպայման կվերադառնամ» (Տեսանյութ)
20:40
Էրիկ Աբիդալ. «Հեռանում եմ, բայց անպայման կվերադառնամ» (Տեսանյութ)
Պաշտոնապես ֆրանսիացի պաշտպանի հեռանալու մասին հայտարարվել է հինգշաբթի օրը կայացած ասուլիսում:
Էրիկը խոստովանել է, որ կցանկանար կարիերան շարունակել կատալոնական ակումբում, սակայն կապտանռնագույնների ղեկավարությունը որոշում է կայացրել նրանից հեռանալ:
«Ես այստեղ վեց տարի եմ անցակցրել, դա ամենաուժեղ փորձն էր իմ կյանքի: Այստեղ ես հիանալի ընկերնրի հանդիպեցի:
Նրանք լավագույնն են աշխարհում: Շատ բաներ սովորեցի: Շնորհակալ եմ
մարզիչներին, ովքեր հավատացին ինձ: Բացի այդ շնորհակալ եմ բժիշկներին,
ֆիզիոթերապևտներին, ովքեր ինձ հսկայական օգնություն ցուցաբերեցին
ամենադժվար պահերին:
Շնորհակալ եմ ընտանիքիս, եղբորս (նրա լյարդի մի մասը պատվաստվել էր Էրիկին), կնոջս և աղջիկներիս: Ես հիմա երկու նպատակ ունեմ. պայքարել, որպեսզի տեսնեմ, թե ինչպես են մեծանում երեխաներս և լինել կնոջս կողքին, ինչպես նաև նորից ելույթ ունենալ: Նրանք իմ կողքին էին, նրանք հետևում էինք իմ ապաքինման և շատ ուրախացան, երբ ես կրկին խաղացի: Ես կշարունակեի խաղալ «Բարսելոնայում», սակայն ակումբն այլ որոշում կայացրեց: Ես պետք է հարգեմ այդ որոշումը:
«Համոզված եմ, որ կվերադառնամ ասյտեղ, քանի որ ես հետաքրքիր առաջարկ ունեմ «Բարսելոնայից»: Ես բարձր եմ գնահատում այդ ժեստը և կմտածեմ այդ մասին: Շնորհակալ եմ «Բարսելոնայի» երկրպագուներից, բոլոր այն մարդկանց, ովքեր մտածում էին իմ մասին: Շնորհակալություն, և թո՛ղ միշտ լինի «Բարսան»,- եզրափակել է 33-ամյա պաշտպանը:
Նշենք, որ մամլո ասուլիսին ներկա են եղել թիմի բոլոր ֆուտբոլիստները,
գլխավոր մարզիչ Տիտո Վիլանովան և ակումբի մի շարք այլ աշխատակիցներ:Մասնավորապես Կատալոնական «Բարսելոնայի» առաջատարներից մեկը՝ Չավին, չի կարողացել զսպել իր էմոցիաները և լաց եղել Էրիկ Աբիդալի հրաժեշտի ասուլիսի ժամանակ:
Հիշեցնենք նաև, որ վաղը` Երևանի ժամանակով 13:00-ից սկսած, թիմի դարպասապահ Վիկտոր Վալդեսը կներկայանա մամլո ասուլիսի Նոու Կամպի ասուլիսների սրահում: Հնարավոր է, որ նա հայտարարի թիմից հեռանալու մասին լուրը:
