Գլխավոր էջ » 2013 » Ապրիլ » 13 » Ռոուրա. «Կենտրոնացել ենք առաջնության խաղերի վրա»
21:26
Ռոուրա. «Կենտրոնացել ենք առաջնության խաղերի վրա»
Կատալոնական «Բարսելոնայի» մարզիչ Խորդի Ռոուրան իսպանիայի առաջնության հանդիպումից առաջ խոսել է լրագրողների հետ: Իսպանացի մասնագետը մամլո ասուլիսի ժամանակ նշել է, որ թիմի առաջնային խնդիրը լա լիգան հաղթելն է:

«Առաջիկա հանդիպումում հաղթելը մեզ ևս մեկ քայլով կմոտեցնի չեմպիոնությանը: Մենք ունենք ֆուտբոլիստներ, ովքեր բաց կթողնեն հանդիպումը, սակայն դա թիմի համար այդքան էլ լուրջ խնդիր չէ:

«Սարագոսան» գտնվում է վտանգավոր գոտում և ամեն ինչ կանի «Բարսելոնայի» դեմ խաղում չպարտվելու համար: Վտանգավոր գոտում գտնվող թիմերն այժմ կրկնակի վտանգավոր մրցակիցներ են: Մենք պետք է կենտրոնանանք և ձգտենք հաղթանակ տոնել այդ խաղում:

Վնասվածքներ


Լիոնել Մեսսին, Անդրես Ինիեստան, Սերխիո Բուսկեթսը, Խորդի Ալբան ու Խոսե Պինտոն չեն խաղա հաջորդ խաղում: Մեսսին դեռ որոշակի անհանգստություն ունի ազդրի մկանում, Պինտոն ցավեր ունի մեջքի հատվածում, Սերխիո Բուսկեթսին էլ, իր հերթին, տանջում են ազդոսկրի ցավերը:

Չեմպիոնների լիգա. Առաջիկա մրցակիցը

Եթե մեզ բաժին հասներ «Ռեալը», ապա դա ավելի տհաճ իրադարություն կլիներ։ «Բավարիան» շատ բարդ մրցակից է։ Գերմանացիների խաղային փիլիսոփայությունը տարբերվում է մադրիդցիներից։ «Բավարիայի» խաղաոճն այդքան էլ լավ չգիտենք»,-եզրափակել է Ռոուրան:

Աղբյուրը` FCBarcelona.com

Կատեգորիա: Մամուլի ասուլիսներ և հարցազրույցներ | Դիտումներ: 235 | Ավելացրեց: Մեսսի2013