2000 թվականից ի վեր «Բարսելոնա» - «Միլան» հանդիպումներում իր մշտական ներկայությունն է ապահովել թիմի ավագ Կարլես Պույոլը: Առաջին անգամ Պույոլը «Միլանի» դեմ հանդես է եկել 2000 թվականի հոկտեմբերի 18-ին, որտեղ Ռիվալդոյի հեթ-տրիկի շնորհիվ հանդիպումն ավարտվեց ոչ-ոքի:
Այդ թվականից մինչ այսօր «Բարսելոնան» և «Միլանը» հանդիպել են 9 անգամ:
«Բարսելոնայի» ավագը երբեք չի թաքցրել իր հիացմունքը և նույնիսկ նշել է, որ «Միլանը» եղել է իր երկրորդ թիմը:
Թիմի պաշտոնական կայքին տված հարցազրույցում Պույոլը նշել է, որ «Միլանի» հարձակվողներից ամենից շատն իրեն գլխացավանք է պատճառել Անդրեյ Շևչենկոն:
