Ինչպես հաղորդում է կատալոնական «Բարսելոնան», թիմի գլխավոր մարզչի պարտականությունները կատարող Խորդի Ռոուրան տեղեկացրել է, որ Տիտո Վիլանովան Նյու Յորքից հետում է ոչ միայն թիմի բոլոր խաղերին, այլև մարզումներին:
«Մշտական կապի մեջ ենք Վիլանովայի հետ։ Ամեն ինչ կարգին է, և նա լիարժեք
կերպով ստանում է բոլոր տեղեկությունները։ Ակումբում կա տեսաձայնագրման
համակարգ, և Տիտոն հետևում է մարզումներին։ Նա իրեն իսկապես լավ է զգում:
Տիտոյին հասանելի են բոլոր խաղերն ու զեկույցները, ինչը մեզ թույլ է տալիս խոսել այդ ամենի մասին: Տարբերությունը շատ մեծ չէ: «Խետաֆեի» հետ հանդիպմանը պետք է խաղադաշտ դուրս գանք կեսօրին։ Դա չպետք է արդարացում լինի ո՛չ մեզ, ո՛չ մրցակիցների համար: «Խետաֆեն» միշտ բարդ մրցակից է եղել մեզ համար, քանի որ նրանք լավ են պաշտպանվում և ուժեղ են հետին գծում: Մենք պետք է փորձենք հաղթել ամեն խաղում, այդ թվում առաջիկա հանդիպմանը»,-ասել է Ռոուրան:
