Գյումրիում լույս տեսնող Հինգշաբթի ՖՈՒՏԲՈԼ ֆուտբոլային շաբաթաթերթը այսուհետ հասանելի է նաև Երևանում ու բոլոր մարզերում: Շաբաթաթերթի խբագրակազմն արել է և կանի հնարավորը, որպեսզի հայ ընթերցողը ստանա թարմ տեղեկություններ ֆուտբոլային անցուդարձից, ոչ միայն սեփական առաջնության ու հավաքականների շրջանակներում, այլև համաշխարհային կտրվածքով: Պարբերականի էջերից կարող եք լրացնել սպորտային ինֆորմացիայի պակասը, ընթերցել հայտնի, ինչու չէ նաև մեծ ապագա ունեցող ֆուտբոլիստների ու այլ մարզիկների հարցազրույցներ, տեղեկացված լինել Իսպանիայի, Իտալիայի, Անգլիայի, Ֆրանսիայի, Գերմանիայի, Ռուսաստանի, Ուկրաինայի ու այլ երկրների առաջնությունների վերջին նորություններից, մրցաշարային աղյուսակներից ու այլ տվյալներից: Անկասկած իրենց ուրույն տեղն են ունենալու մեր հավաքականի բոլոր ֆուտբոլիստների հետ կապված նորությունները, տրանսֆերային ողջ անցուդարձը: Պատմության էջերը վերհիշելով` կանդրադառնանք համաշխարհային լեգենդներին ու նրանց հետ կապված ամեն հետաքրքիր մանրունքի: Հետաքրքիր ժամանցը կապահովեն ֆուտբոլային աստղագուշակն ու խաչբառները, դե իսկ ֆուտբոլային ու սպորտային բոլոր հեռուստաալիքների ծրագրերին(NTV + ու ոչ միայն) կարող եք ծանոթանալ միայն Հինգշաբթի ՖՈՒՏԲՈԼԻ էջերից: Չեն մոռացվել նաև խաղադրույքներով տարված մեր մարզասերները, որոնց համար հատուկ ամեն շաբաթ թերթի էջերում կտպագրվեն վիճակագրական տվյալներ բոլոր կարևոր ֆուտբոլային առաջնություններից ու ոչ միայն:
Հարգանքներով՝ Հինգշաբթի-ՖՈՒՏԲՈԼԻ խմբագրակազմ և ArmBarca-ի Ադմինիստրացիա:
|