Կատալոնական «Բարսելոնայի» գլխավոր մարզիչ Տիտո Վիլանովան «Լևանտեյի» դեմ հանդիպումից առաջ խոսել է լրագրողների հետ:
Դավիդ Վիլյայի մասին
«Նրա հետ ամեն ինչ կարգին է: Նրա վնասվածքը զգացնել էր տալիս նույնիսկ Մոսկվայի «Սպարտակի» դեմ հանդիպման ժամանակ: Մենք չպետք է ռիսկի դիմենք»:
Վիկտոր Վալդեսի մասին
«Նա հիմա շատ լավ է իրեն զգում: Եթե ծնկի վնասվածքը զգացնել տա, ապա նա չի մասնակցի «Լևանտեյի» դեմ հանդիպմանը: Վալդեսին փոխարինողներ կլինեն, պետք չէ շատ մտածել այդ ուղղությամբ»:
Պինտոյի նոր պայմանագրի մասին
«Ես արդեն ակումբի ղեկավարության հետ զրուցել եմ այս թեմայով: Բայց Պինտոյի ճակատագիրը կորոշվի ժամանակի ընթացքում»:
Ադրիանոյի և Տիագոյի վերադարձի մասին
«Միշտ հաճելի է տեսնել, թե ինչպես են ֆուտբոլիստները ապաքինվում վնասվածքից հետո: Ավելի հաճելի է այն դեպքում, երբ նրանք շատ կարևոր են թիմի համար»:
Դոս Սանթոսի մասին
«Հնարավոր է, որ նա վարձավճարով հանդես գա այլ ակուբու՞մ: Ես արդեն բազմիցս ասել եմ, որ հնարավոր է: Այստեղ կարևորը ֆուտբոլիստի ցանկությունն է»:
Գվարդիոլայի մասին
«Հետաքրքրություն նրա հանդեպ այլ ակումբներից կա: Պեպը ցանկանում էր հանգստանալ, բայց ինչպես տեսնում ենք նրան թույլ չեն տալիս դա անել: Նա կվերադառնա մարզչական աշխատանքին այն ժամանակ, երբ ճիշտ կգտնի»:
