Գլխավոր էջ » 2012 » Հոկտեմբեր » 28 » Ֆաբրեգաս. «Մենք անցկացրինք այս մրցաշրջանի լավագույն հանդիպումը»
13:25
Ֆաբրեգաս. «Մենք անցկացրինք այս մրցաշրջանի լավագույն հանդիպումը»
Կատալոնական «Բարսելոնայի» կիսապաշտպան Ֆրանսեսկ Ֆաբրեգասը խոսել է Իսպանիայի առաջնության 9-րդ տուրի «Ռայո Վալյեկանոյի» նկատմամբ տարած հաղթանակի մասին:
«Մենք անցկացրինք այս մրցաշրջանի լավագույն հանդիպումը: Մրցակիցը մեզ հետ հավասար պայքար էր մղում և բարդացնում էր մեր` պաշտպանությունից հարձակում անցնելը:
«Ռայոն» առաջին խաղակեսում մեծ ուժ գործադրեց, ինչը մեզ օգնեց, քանի որ արդեն ընդմիջումից հետո նրանք հոգնել էին:
Մենք պետք է հպարտ լինենք մեր թիմով: Այժմ թիմում կան ծանր վնասվածքներով ֆուտբոլիստներ և դա շատ վատ է: Ուրախ եմ, որ թիմում կան ֆուտբոլիստներ, որոնք կարողացան լրացնել վնասվածք ստացած ֆուտբոլիստների բացը:
Շնորհակալություն եմ հայտնում Վիլանովային այն բանի համար, որ նա ինձ հնարավորություն տվեց զգալ թիմի համար իմ անհրաժեշտությունը», – հայտարարել է Ֆաբրեգասը: