Ֆաբրեգաս. «Կարևորն այն է, որ վաստակեցինք 3 միավոր»
Կատալոնական «Բարսելոնայի և Իսպանիայի հավաքականի կիսապաշտպան Սեսկ Ֆաբրեգասը խոսել է Իսպանիայի առաջնության 8-րդ տուրում կայացած «Դեպորտիվո» - «Բարսելոնա» (4-5) հանդիպման մասին:
«Ընդհանուր առմամբ առաջին խաղակեսում թիմը փայլուն խաղ ցուցադրեց: Մի քանի դրվագների ընթացքում մենք գերիշխում էինք խաղադաշտում:
Ես միշտ վստահ եմ եղել իմ ուժերի վրա և շատ եմ մարզվել: Այս մրցաշրջանի սկզբում զգում էի, որ կհարմարվեմ թիմի այս մարտավարությանը»,- ասել է Ֆաբրեգասը:
«Մենք փրկեցինք 3 միավոր` դժվարին հանդիպում անցկացնելով: Բայց պետք է հասկանալ 4 գոլ բաց թողնելու պատճառները:
Երբ քեզ փոխարինում է Չավին, ապա մնում է նստել և հիանալ նրա խաղով»,- եզրափակել է Ֆաբրեգասը:
Նշենք նաև, որ Սեսկը երեկվա հանդիպման ժամանակ կատարել է 3 գոլային փոխանցում: