8 տարի առաջ հենց այս օրը Մեսսին նշեց իր նորամուտը (Նկարներ և տեսանյութ) - 16 Հոկտեմբերի 2012 - ArmBarca.com
Գլխավոր էջ » 2012 » Հոկտեմբեր » 16 » 8 տարի առաջ հենց այս օրը Մեսսին նշեց իր նորամուտը (Նկարներ և տեսանյութ)
13:55
8 տարի առաջ հենց այս օրը Մեսսին նշեց իր նորամուտը (Նկարներ և տեսանյութ)
Լեոնել Անդրես Մեսսին ծնվել է 1987 թվականի հունիսի 24-ին Արգենտինական Ռոսարիո քաղաքում:

Մեսսին իր ֆուտբոլային կարիերան սկսել է հինգ տարեկան հասակում իր քաղաքի Grandoli մանկական թիմում, որը մարզում էր իր հայրը` Խորխե Մեսսին: 1995 թվից Մեսսին սկսեց խաղալ «Նյուելզ Օլդ Բոյզ» թիմում, որը հանդես էր գալիս Ռոսարիո քաղաքում:

10 տարեկանում նրա մոտ բժիշկները աճի հորմոնի դեֆիցիտ հայտնաբերեցին: Այդ ժամանակ Լեոյով հետաքրքրված էր «Ռիվեր Փլեյթ» ակումբը, բայց ակումբը հրաժարվեց նրանից` հրաժարվելով նաև բուժման համար վճարել:

Մեսսին իր հոր հետ մեկնեց Բարսելոնա, որտեղ կատալոնական ակումբը նրա հետ պայմանագիր կնքեց` իր վրա վերցնելով ֆուտբոլիստի բուժման համար նախատեսված բոլոր ծախսերը:

Մեսսին սկսեց հանդես գալ կատալոնական «Բարսելոնայի» պատանեկան թիմում: Թիմի հիմնական կազմում իր նորամուտը Մեսսին նշեց 2003 թվականի նոյեմբերի 17-ին «Պորտուի» դեմ ընկերական խաղում:

Այդ ժամանակ նույնիսկ El Mundo թերթը գրեց, որ «Այս տղան օժտված է Մարադոնայի ձախ ոտքով, Կրոյֆի արագությամբ և Ռոնալդինյոյի փոխանցումներով»:

Պաշտոնական խաղում Մեսսիի նորամուտը «Բարսելոնայի» կազմում կայացավ 8 տարի առաջ հենց այս օրը` 2004-ի հոկտեմբերի 16-ին, «Էսպանյոլի» դեմ խաղում: Այդ խաղում «Բարսան»  հաղթեց 1-0 հաշվով:

«Բարսելոնայի» կազմում իր առաջին գոլը արգենտինացին խփեց 2005 թվի մայիսի 1-ին Ալբասետեի դարպասը` դառնալով կատալոնական ակումբի պատմության ընթացքում ամենաերիտասարդ ֆուտբոլիստը, ով գոլի հեղինակ է դարձել Իսպանիայի առաջնությունում:

Մեր նորություններին հետևեք նաև Facebook-ում` https://www.facebook.com/ArmBarcacom














Կատեգորիա: Նորություններ | Դիտումներ: 830 | Ավելացրեց: Մեսսի2013