Պեդրո. «Շուտով Վիլյան ցույց կտա իր լավագույն խաղը»
Կատալոնական «Բարսելոնայի» հարձակվող Պեդրո Ռոդրիգեսը չի կասկածում, որ իր թիմակից Դավիդ Վիլյան մոտակա ժամանակներս կլինի օպտիմալ մարզավիճակում, այս մասին հայտնում են իսպանական ԶԼՄ-ները:
Հիշեցնենք, որ Վիլյան ծանր վնասվածք էր ստացել աշխարհի ակումբային առաջնության ժամանակ և դուրս էր եկել շարքից մոտ 8 ամսով:
«Կարող եմ ասել, որ այժմ Վիլյան լավ մարզավիճակում է: Նա մարզումներին մասնակցում է մեծ ցանկությամբ և որ ամենակարևորն է` հավատում է իր ուժերին:
Մոտակա ժամանակներս նա կլինի օպտիմալ մարզավիճակում և բոլորը կտեսնեն այն ֆուտբոլիստին, ում ճանաչում էին: Նա հիանալի է գործում մրցակցի տուգանային հրապարակում:
Վիլյան աշպարհի լավագույն հարձակվողներից է: Ես վստահ եմ, որ նա բազում հաղթանակներ կպարգևի Իսպանիայի հավաքականին և «Բարսելոնային»,- եզրափակել է Պեդրոն:
