Կատալոնական «Բարսելոնայի» ղեկավարությունը կարողացել է համաձայնության գալ 14-ամյա բրազիլացի ֆուտբոլիստ Պաուլու Էնրիկե Պերեյրու Սենայի հետ:
Սենան իր կարիերան սկսել է Ռիո դե Ժանեյրոյի «Զիկո 10» մանկապատանեկան ակումբում: Սկզբնական շրջանում Սենան վեցամսյա փորձաշրջան կանցնի Ռիո դե Ժանեյրոյում:
Նրա հետ կաշխատեն ոչ միայն ֆուտբոլային մարզիչները, այլ նաև հոգեբանները: Այդ ամենից հետո Սենան կուղևորվի կատալոնական «Բարսելոնա» և կմիանա մանկապատանեկան թիմերից մեկին:
Աղբյուրի հավաստմամբ` ֆուտբոլիստի աճին հետևել են «կապտանռնագույնների» սկաուտները: