Գլխավոր էջ » 2012 » Սեպտեմբեր » 1 » Վիսենտե դել Բոսկե. «Վիլյան կարևոր խաղացող է հավաքականի համար»
12:32
Վիսենտե դել Բոսկե. «Վիլյան կարևոր խաղացող է հավաքականի համար»
Մոնակոյում կայացած Եվրոպայի սուպերգավաթի հանդիպումից հետո Իսպանիայի հավաքականի գլխավոր մարզիչ Վիսենտե Դել Բոսկեն խոսել է Իսպանիայի հավաքականի մասին: Նա մեծ նշանակություն է տալիս Վրաստանի հետ կայանալիք 2014 թվականի Աշխարհի առաջնության ընտրական առաջին խաղին, ինչպես նաև մեկնաբանել է Վիլյային հրավիրելու իր որոշումը:
Հիշեցնենք, որ երեկ գլխավոր մարզիչը թիմ է հրավիրել 23 ֆուտբոլիստների, ովքեր ուրբաթ և երեքշաբթի օրերին կանցկացնեն ընկերական և նախընտրական հանդիպումներ:
«Վրաստանի հետ կայանալիք խաղին պետք է ամենայն լրջությամբ մոտենալ: Այդ խաղը մեզ համար պետք է հավասարազոր լինի եզրափակչին: Պետք չէ միավորներ կորցնել, այսպես կոչված, թույլ թիմերի հետ:
Վիլյայի հարցում շուտ եմ կողմնորոշվել, սակայն զարմանալի չէր, որ նա հանդես չէր գալիս Իսպանիայի հավաքականում: Նա գրեթե չի խաղացել «Բարսելոնայի» կազմում ծանր վնասվածքից հետո:
Ազգային հավաքականում նրան ընդգրկելը մեծ նշանակություն ունի հոգեբանական տեսանկյունից: Հասկանալի կլիներ, եթե ես նրան չհրավիրեի, բայց Վիլյան մեր լավագույն ռմբարկուն է և վայելում է մեր վստահությունը:
Ինչ վերաբերվում է Խուան Մատային` ասեմ, որ նրան հավաքական չեմ հրավիրել: Նա հանդես է եսել «Եվրո 2012»-ում և Օլիմպիական խաղերում: Նրա փոխարեն հավաքական է հրավիրվել Բենատը», – ասել է Դել բոսկեն։ Աղբյուրը` AS.com
