Գլխավոր էջ » 2012 » Օգոստոս » 30 » Վիլանովա. «Հպարտանում եմ ֆուտբոլիստներովս» (Տեսանյութ)
12:07
Վիլանովա. «Հպարտանում եմ ֆուտբոլիստներովս» (Տեսանյութ)
Իսպանիայի սուպերգավաթը Մադրիդի «Ռեալին» զիջելուց հետո կատալոնական «Բարսելոնայի» գլխավոր մարզիչ Տիտո Վիլանովան խոսեց լրագրողների հետ՝ գովասանքի խոսքեր հղելով իր սաների հասցեին:

«Առաջին իսկ րոպեներից Մադրիդի «Ռեալը» մի շարք պահեր ստեղծեց:  Մեր պաշտպանական սխալների պատճառով մենք բաց թողեցինք երկու գոլ: Բացի դրանից հեռացվեց մեր թիմի պաշտպան Ադրիանոն: Այսօր ես ավելի, քան երբևէ հպարտ եմ իմ խաղացողներով: Նրանք ամբողջ երկրորդ կեսը խաղացին 10 հոգով, ու այդ ընթացքում մենք ստեղծեցինք 5 իրական գոլային պահ մրցակցի դարպասի մոտ, ով սեփական կիսադաշտն անգամ չէր լքում:

Պարզ է, որ կցանկանայինք հաղթել, բայց, ինչպես նախկինում եմ ասել, այս խաղը ոչ մի բան չի որոշելու ընդհանուր մրցաշրջանում: Դեռ շատ բան կա առջևում: Ամեն ինչ շարունակվում է, ու արդեն կիրակի պետք է խաղանք Լա լիգայում»,- եզրափակել է Վիլանովան:


Կատեգորիա: Մամուլի ասուլիսներ և հարցազրույցներ | Դիտումներ: 421 | Ավելացրեց: Մեսսի2013