Գլխավոր էջ » 2012 » Օգոստոս » 29 » Վիլանովա. «Հույսներս չենք դնելու առաջին հանդիպման հաշվի վրա»
13:11
Վիլանովա. «Հույսներս չենք դնելու առաջին հանդիպման հաշվի վրա»
Այսօր երեկոյան կատալոնական «Բարսելոնայի» գլխավոր մարզիչ Տիտո Վիլանովան կարող է իր առաջին գավաթը նվաճել թիմի հետ: Իսպանիայի սուպերգավաթի պատասխան հանդիպմանը հաշված ժամեր են մնացել և եթե Տիտոյի սաները հաղթեն «Սանտիագո Բեռնաբեու» մարզադաշտում, ապա «Բարսան» առաջին գավաթը կնվաճի 2012/13 մրցաշրջանի սկզբում:
«Մադրիդի «Ռեալի» դեմ նախորդ խաղերի հաշիվները չեն հետաքրքրում: Չեմ ցանկանում խոսել անցյալի մասին: «Բեռնաբեու» մարզադաշտում միշտ էլ դժվար է եղել «Բարսայի» համար: Պետք է գոլ խփել հաղթելու համար:
Չենք ցանկանում ռիսկի դիմել Պույոլի հարցում: Նա վնասվածք է ստացել և ես չեմ ցանկանում մրցաշրջանի սկզբում կորցնել թիմի լավագույն պաշտպաններից մեկին: Կաշխատենք հետևել բժիշկների խորհուրդներին:
Ինչ վերաբերվում է թիմի նորեկ, կիսապաշտպան Ալեքս Սոնգին, ապա խաղը ցույց կտա` կխաղա նա այսօր, թե ոչ:
Թիմից կարող են հեռանալ մի քանի ֆուտբոլիստներ: Ես խոսել եմ Աֆելլային, Ֆոնտասին և Դոս Սանտոսին, որ նրանց շատ դժվար է լինելու խաղաժամանակ ստանալ»,-եզրափակել է Տիտոն: Աղբյուրը` FCBarcelona.com