Կատալոնական «Բարսելոնայի» արգենտինացի հարձակվող Լիոնել Մեսսին Իսպանիայի առաջնության 2-րդ տուրի հանդիպումից հետո թիմի պաշտոնական կայքին տված հարցազրույցում նշել է, որ «Օսասունայի» նկատմամբ հաղթանակը հնարավոր է դարձել շնորհիվ կատալոնական թիմի բնավորության։
«Պարտվելու ժամանակ մենք խուճապի չմատնվեցինք, այլ հանգստություն պահպանեցինք։ Արդյունքում միջոց գտանք պատասխանելու «Օսասունային»։ Մեզ հաջողվեց վերակառուցել մեր խաղը և գոլ խփել։
Միշտ էլ դժվար է եղել «Օսասունային» հաղթելը։ Տիտո Վիլանովան հիշեցնում էր մեզ դրա մասին», – ասել է Մեսսին։